【Kelly Online】無品男巴士除罩歎啤酒 網民斥播毒

文章日期:2020-08-26

公共交通工具上不可飲食,政府更宣布必須要戴口罩,不過仍然時不時有人違規,近日有網民搭巴士時就驚見一名男子拉低口罩大歎啤酒,怒斥播毒。

網民在「屯門公路塞車關注組」Facebook群組發帖,指早上9點搭巴士時,一名男子拉低口罩飲啤酒,更一邊玩電話,似乎非常享受,「係全程出到上環都無拉返高,慢慢邊玩電話邊歎佢罐啤酒」。

不少網民都批評男子播毒,「拉得俾告票」、「影相俾司機睇」,但亦有人認為類似事件已經太多,事主應該上前制止而非網路公審,「做咩唔直接剷佢呢,又或者同車長講」、「呢啲情況你要出聲唔好dry影相先得㗎,唔出聲佢下次就繼續係咁」。

發表回覆