40歲生日大搞豪華船P 樂基兒Model癮起着泳衣狂打卡

文章日期:2020-08-26

因為疫情關係,港府正實施2人限聚令及強制戴口罩,但由於遊艇上的人群聚集限制不清晰,不少市民繼續大夥兒進行「船P」等海上活動!好似昨日(22日)踏入4字頭的樂基兒(Gaile),就獲眾親友大搞豪華船P慶生,其從事有機食品生意的老公Ian及1歲半兒子Hunter亦有一同出海。席間,穿上蝦肉色一件頭泳衣的Gaile「Model癮」發作,在甲板上攬住「40」字大氣球、嘟晒嘴影相,她在IG以英文寫道:「永遠不要讓年齡來定義你,年紀愈增長愈要更愛惜自己!人生只活一次,就讓每一刻都變得有價值吧!」之後,Gaile又跟閨密們擺Pose狂打卡,不少網民紛紛留言讚她40歲一樣咁省鏡。其間Gaile抱住囝囝扑糖果蛋糕,又同老公來個深情一吻合照,非常溫馨。不過,唔知「壽星女」係曬太陽熱得濟,抑或幾杯落肚High High哋呢?Gaile後來「紅都面晒」,仲「高潮眼」咁攤咗喺老友身上,相信她當日都玩得好盡興!

發表回覆